Wednesday, May 27, 2015

உடையும் பொருள். கவனம்.


நீ அனுப்பிய மஞ்சள் முகங்கள்
எனக்கு சோறுட்டும் நிலாக்கள்.
காதலே,
என் மனைவி ஆகும் முன்
தாயாகி விடுகிறாய் எனக்கு நீ.

o

குறுஞ்செய்தி புன்னகையால்
முற்றுபுள்ளி வைத்தபோது,
நான் முத்தத்தால்
அடுத்த வரியை எழுதுகிறேன்.

கைபேசி வழியாய்,
ஓங்கி குத்துகிறாய்.
முகத்தில் எலும்புகள் அதிகம்.
உனக்கு வலிக்காமலிருக்க
இருதயத்தில் வாங்கிக்கொள்கிறேன்.

o

கை தவறிவிட்டதாக சொல்லி
தொட்டியை உடைத்து விட்டு,
புன்னகை தொட்டியில்
வாழப் பழகிய மீனை
கண்ணீர்க்குளத்தில் விடாதீர்கள்.

நீங்கள் உண்மையாய் மீனை காப்பாற்றவில்லை.

- காதலிக்கப்படாதவன்

குடைகம்பிச் சாரல்

காதலிக்கப்படாதவன்