Friday, August 16, 2013

இதழதிகாரம்


காதல் என்றால் என்னவென்றால்
இதயங்கள் கொடுப்பது என்றேன்…

முத்தம் என்றால்?
கொடுத்த இதயம் பத்திரமா
என்று வந்து பார்த்து செல்வது
என்று சொல்லுமளவுக்கெல்லாம்
எனக்கு பொறுமை இல்லை

o

கொஞ்சம் விட்டால் போதும்
நிறுத்தாமல்
பேசிக்கொண்டே இருக்கிறாள்
இதற்குத்தான்
என் முத்தங்களை நிறுத்துவதே இல்லை…

o

பெண் இதழ்கள், ஆண் இதழை
சிறைகொள்கையில்
என்றாவது பெண்ணாதிக்கம் என்று
நாங்கள் கத்துகிறோமா.
ஆண்கள் எப்போதும் சமத்து.

o

காதல் பாடமென்றால்,
மொத்தமும் படிக்க
ஒரே புத்தகம் அவள் இதழ்.

o

உயிர்வாழ்வதற்கு
ஆக்ஸிஜெனா தேவை?
முத்தங்கள் போதும்.

o

முற்றுப்புள்ளிகள்
தேவைப்படாத கவிதை.
யாருக்குத்தான் அது முடிவது பிடிக்கும்.

o

என்னை சொல்லிவிட்டு
நீ பேசிகொண்டே இரு.
இதற்கு தான் கவிஞனை
காதலிக்க கூடாது.
இது அவளின் கோபம்.

o

No comments:

Post a Comment

குடைகம்பிச் சாரல்

Recommended Post Slide Out For Blogger
காதலிக்கப்படாதவன்