மொத்தமும் காதல்

அவளும் காதலை
ஏற்றுக்கொண்ட தருணத்தில்
கனவா? நிஜமா? குழம்பி நின்றவனிடம்
கன்னத்தைக் காட்டி
கிள்ளிப்பார்த்துக்கொள்ள சொன்னாள்.

அந்த கன்னத்தை கிள்ள ஆசையில்லை.
முத்தமிட்டுப் பார்த்துக்கொண்டேன்.

o

முத்தமிட்டுக்கொண்டிருந்த
என் இதழிடமிருந்து அவள் இதழ் பிரித்து,
மூச்சு வாங்கிக்கொண்டவள்
கல்யாணத்திற்கு பிறகு வேண்டுமென
முத்தங்களை மிச்சம் வைக்க சொன்னாள்.
நான் மீண்டும்
அவள் இதழ் சேர்த்துக்கொண்டேன்.

தீர்ந்து போக,
முத்தங்கள் காமம் இல்லை. காதல்.

o

முத்தமென்பது ஒரு கடன்.
திருப்பி கொடுக்கவென போய்,
மீண்டும் கடன்பட்டு திருப்புகிறேன்.

o

எங்களுக்குள் பிரச்சனையே
வருவதில்லை.
பேசினால் தானே பிரச்சனை வரும். - காதலிக்கப்படாதவன்