மறக்க
ஒரே ஒரு கிரிக்கெட் நூறோ
இன்னுமொரு புத்தாண்டு கொண்டாட்டமோ
தலைவனின் அரசியல் நுழைவோ
போதுமாய் இருக்கிறது...
எப்பேர்பட்ட துயரமாகினும்
மறக்க மெழுகுவர்த்தியும் ஒருவார பேச்சும்
போதுமாய் இருக்கிறது...
எப்பேர்பட்ட துரோகமாகினும்
மறக்க
இன்னுமோர் பெரிய துரோகம்
வோட்டுக்கு அதிகமாய் நூறு
ஐந்தாறு இலவசங்கள்
போதுமாய் இருக்கிறது...
எப்பேர்பட்ட துரோகமாகினும்
மறக்க இன்னுமோர் ஐந்தாண்டு
போதுமாய் இருக்கிறது...
எப்பேர்பட்ட வலியாகினும்
மறக்க
இசையும் தனிமையும்
பேனாவும் காகிதமும்
புத்தகமும் நீயும்
போதுமாய் இருக்கிறது...
எப்பேர்பட்ட வலியாகினும்
மறக்க கோப்பை போதையும், பனி துண்டும்
போதுமாய் இருக்கிறது...
நீ என்கிற கொடும் போதையிலிருந்து
என்னை தெளிவிப்பது மட்டும்
இன்னும் எதாலும் எவராலும்
முடியவே இல்லை...
No comments:
Post a Comment