இப்போ யாருக்குமே
பிடிப்பதில்லை
காதலில்லை என்ற
உண்மையின் முகம்
அமிலத்தில் பொசுங்கி போகிறது...
உரிமைகள் முழங்கும்
முகப்புத்தக உண்மைகள்
சிறை அடைபடுகிறது...
காதலோ, பூக்களின்
ஹைஹீல்சில் நசுங்குகிறது...
உன் வலியோ
நிர்வாணமாக்கப்பட்டு
சோதனைக்குள்ளாகிறது
பசியோ கொலை செய்யப்படுகிறது
திறமையோ மலடாக்கப்படுகிறது
உரிமையோ ஊமையாக்கப்படுகிறது
உண்மைகளை
இப்போ யாருக்குமே
பிடிப்பதில்லை
புன்னகைகளின் பின்னால்
கூர் பற்கள் ருசிக்க துடிக்கிறது...
முத்தங்களின் பின்னால்
விசப்பற்கள் சீண்டிப் பார்க்கிறது
பூங்கொத்துகளின் பின்னால்
துப்பாக்கி ஒன்று குறி பார்த்து கிடக்கிறது
உண்மைகளை
இப்போ யாருக்குமே
பிடிப்பதில்லை
No comments:
Post a Comment