ஹோட்டல்காரன் முகத்தில்
பார்க்க முடியாத மகிழ்ச்சி
ஐந்து ரூபாய் அன்பளிப்பில்
பரிமாறும் பையன் முகத்தில்!
வெளிநாட்டு ரகம் ன்னு
ஆயிரத்திற்கு வாங்கிய செருப்பிடம்
இல்லாமல் போகிற விசுவாசம்
20 ரூபாயில்ஆரம்பித்து 15 ரூபாயில்
பேரம் முடிகிற அந்த கிழவரின்
தையலில் உழை(நிலை)த்திருக்கும்
தாடி, கைபேசி டாப்அப்,
இரண்டு மணி பேச்சு, காதல்
பிறந்த நாள் பரிசு, பக்க பக்க கவிதை
என்று எதிலும் இல்லாத அந்த நேசம்
அதோ நீ வரும்வரை உறங்காமல்
உன் தாய் உருவில் காத்திருக்கும்
உறக்கம் உணவு உறவு
எல்லாவற்றையும் தூக்கி போட்டுவிட்டு
நீ தேடித்திரியும் உன் தேடல்
நீ தூக்கி போட்டதில்தான்
இருக்குது என்பதை தெரிந்துகொள்ளாததேனோ
தேடி கண்டுபுடிக்க வேண்டியதில்லை
உன் தேவைகள் எல்லாம்...
தூணிலும் இருக்கும் துரும்பிலும் இருக்கும்
கடவுள் போலத்தான்...
நீ உணரவேண்டியது மட்டும்தான் பாக்கி
No comments:
Post a Comment