புத்தகக் கண்காட்சி

அவனவன்
தன் தன் மூளையை
பேனா என்னும் அலகியால்
நகலெடுத்து அடுக்கி 
நிறைத்தனர் அரங்கம் முழுக்க


என் ஒரு பணப்பையை
காலி செய்து அறிவுப்பை 
நிறைந்துகொண்டிருந்தது

நவீன உலகம்
வேகம்  அதிகம்
அன்னையையும் அப்பாவையும்
முதியோர் இல்லத்தில் விட்டுவிட்டு
வாரிசுக்கு கதை சொல்ல
சீடியில் சிமுலேடேட் தாத்தாவை 
வாடகைக்கு வாங்கும் கூட்டம்


காலம் அழிக்கும் மொழிகள்
கலைஞனுக்கு ரத்த தானம் கொடுத்து
எழுத்தாய் மறுபிறப்பெடுத்து
வாழும் குவியல்


தேன் சுரக்கும்பூவை
வண்டு  மொய்க்கும் இயல்பு
தமிழ் கடலில் மோதிய
அலை பார்க்கையில்
தமிழ் வாழும் என்று 
நம்பிக்கை வந்தது

ஒரு சில பதிப்பகங்ளில்
அறிவு முட்டாள்தனத்தில் 
கட்டிகொடுக்கப்பட்டது போல்
புத்தகம் விற்பனையானது பாலிதீன் பைகளில்